Sefruruyen tesfesdeḍ Teḍṣiḍ i wiyaḍ qebel-iw Ulac anda ur teglalzeḍ qebel akem inadi wul-iw Sefruruyen tesfesdeḍ Teḍṣiḍ i wiyaḍ qebel-iw Ulac anda ur teglalzeḍ qebel akem inadi wul-iw Ɛemdeɣ-am Semḥaɣ-am Tewwiḍ-d iṭij i tmeɣer-iw Yehwa-am terẓiḍ ifadden i leɛwam Ayen n niḍen d cɣel-iw Taqcict yefɣen tettwaɛzel Xas tqeddec di tmusni Wid nni i wumi yecceḍ laṣel Ssekras-n absis di tili Taqcict yefɣen tettwaɛzel Xas tqeddec di tmusni Wid nni i wumi yecceḍ laṣel Ssekras-n absis di tili I ilaqen D tin yesnen Amek ara terr aqbab ad d-ɛebbi I iwulmen D tin ma sbibben ad sefḍen Ayen akk kerhen nutni Ur lli-ɣ seg wid inekṛen Leɛwayed n tiẓet n lejdud Tamusni d win yettqelliben Ad isenefsi i yir leqyud Ur lli-ɣ seg wid inekṛen Leɛwayed n tiẓet n lejdud Tamusni d win yettqelliben Ad isenefsi i yir leqyud Ulayɣer. ad yehḍer Win ur njeṛṛeb asger n ufus Ulayɣer. yir bnadem ad ineccer Deg wid i t-yebnan s lmeqsud Anwa iweznen leḥmala Iγublan uqbel ad ten-iḥfeḍ Deg igenni ma inger usigna Akal ur t-ttγelliteḍ Anwa iweznen leḥmala Iγublan uqbel ad ten-iḥfeḍ Deg igenni ma inger usigna Akal ur t-ttγelliteḍ Zemm imi-m. ldi iẓri-m I kem-yenfεen d asiweḍ D tamusni-m I d lfayda n warraw-im Tesεiḍ d acu ad asen-temleḍ Zemm imi-m. ldi iẓri-m I kem-yenfεen d asiweḍ D tamusni-m I d lfayda n warraw-im Tesεiḍ d acu ad asen-temleḍ

D lesnin teffɣeḍ tamurt Tnufqeḍ tugiḍ leɣlaḍ Dg-ek yark° i neṛğa ttbut B-b°ayen hemjen wiyaḍ Teḥlelli-d deffir-ek lmut Bb°in-tt-id widen ur tuṛğaḍ Ay at lḥif xas cfut D kenwi i d-yuğğewn ccyaḍ Awah awah a tuğğal Ṛuḥen-aɣ yergazen ur nuklal Ssaweln-ak wat ttindar Γer tegnitt n ddiq qerrḥen Asmi k-id-necden s annar Ur tḥezzebḍ i iṛejjaqen I tmurt ssefsin amrar Tezder di temda lqayen S uqerruy i temḥezwar Leğnas deg-s a ttnezzihen Awah awah a tuğğal Ṛuḥen-aɣ yergazen ur nuklal Tufiḍ-d tamurt tenneqlab Tefreq tṛuḥ d iḥricen Wa ijebbed iqqar nek d aεṛab Ulac wi di-d-yezwaren Ma d at t-tmira d nniqab Ttgallan ur s-ḍliqen Swejden-d yum n lḥisab I yemdanen i ten-ixulfen Awah awah a tuğğal Ṛuḥen-aɣ yergazen ur nuklal Ismi-k deg umezruy yella Lğil d-iteddun a t-yaf Tizzelgi ur tettdum ara Xas akka izedɣ-aneɣ zzεef Lezzayer at-teḥlu am wassa Tamusni a d-tger ixulaf Tneğṛeḍ-d iswi i ccetla Tura steεfu a Mass Buḍyaf De Abane à Boudiaf Combien de crimes orchestrés! Krim, Khider et autres Laisserons-nous cette terre ancestrale Aux mains de ces tristes sires Qui l'ont plongée dans le chaos? Ou entre les griffes de ces lâches illuminés?

A yettseggix wul-iw A ijeffel ɣef win i t-yeğğan D wagi i d ẓẓher-iw Ad ğğleɣ ur d-yebbwiḍ lawan A gma ur k-ttayseɣ Xas zewğeɣ A k-id-ttaddren wuḍan Muḥal a t-ḥemmleɣ Akken i k-ḥemmleɣ Di sin i ɣ-cerḍen wussan Udem-ik muḥal a gma ad yesfeḍ Xas zzman agi ad i-yeṛkeḍ Ḥṣu ur d ttaddreɣ wayeḍ Siwa s tmara Xas ger wallen-iw assa tɣabeḍ Deg wul-iw mazal-ik teddreḍ Ayen yakw i diyi-d-txulfeḍ Ur s-zmireɣ ara Yiss-ek i zehhuɣ Assa ttruɣ Allen-iw ur nneḥtament ara Akka ara ttṛağuɣ Melmi ara n-rnuɣ An-nemyekkes lweḥc uẓekka Ṭṭṣen waman d yesɣaren Ggummant ad medlent wallen Yir ussan i yi-d-yemmalen Ur sen-zmireɣ ara Tasa-w tebḍa akw d icriḥen A neffqent seg-s lemḥayen Ulac tin i tt-izelgen A tneggi tekfa At-tεeddint leεyub Ul-iw yeffud Ṣṣber fell-i ur d-isteqsa A Ṛebbi lmeεbud Rnu-d ṛṛεud D wayen akw yeɣlebn aya

Fell-i mi d-rsent wallen-im Tsettuyeḍ dg-i ccḥani Asm' akken lliɣ s idis-im I fehmeɣ g°rant-iyi I yexf-iw qḍiɣ-d aḥkim Γer ɣur-em yeddeffin-iyi Ḍḥiɣ-d ger tizzya-w d abhim Ulac ṛṛay d ahwawi Aayen aayen S snesla-m tenneḍ-iyi Γer tesraft i di-tḍeqqreḍ Tekkesḍ itij i tmuɣli T-times-is ay d-tessawḍeḍ Qedḥeɣ adif-iw yefsi T-timeqqwa i di-tjebdeḍ Yeg°ra-d yiɣes d aḥerfi Kemmel-as akken at-teṛtiheḍ Aayen aayen A ttnadiɣ tatut di lkas Smeckukleɣ lecɣal-iw Fell-i mi-gɛedda usegg°as Ṭṭammaɛeɣ g wayeḍ ẓẓher-iw Ḥdeṛɣ ak° mi ddant tullas Lemmer irad t-tizzya g-gessi-w I yiman-iw ḥuddeɣ tilas Γer tagust yebb°eḍ rrebg-iw Aayen aayen Xas akka tesseɛtebḍ-iyi Ɛemmedeɣ-kem am jenjaṛ i tiṭ Ul-iw dayen ur d-yettmenni Sellaw am yexf n tceṭṭiṭ Am fexxar teqqedḍ-iyi Uzaɣ teclabeḍ tqeṭṭiṭ Am wuccen ur yezgil yeẓri Tazmert-iw tegla s texṛiṭ Aayen aayen Ma yif-ik gma-k leɣrus Kker s afras d ttelqim Ma yif-ik gma-k lebṛuj Bnu s lyajuṛ urqim Ma yif-ik gma-k meṭṭu Ay aḥbib xdem neɣ qqim Ssmaḥ ma izelg usefru Cerweɣ t-id si zzman aqdim Aayen aayen