عذروني البعاد وحبابي حطو ف عنقي سيف تقسم المظل فاليد و خدلني بريح خفيف اجي تقرا كتابي نسيك شمس المعاريف ندفى بالبرد و نتغطى بسمرة العصيف الايام و الاعوام تحكي و تعاود ضروفي فيا يا حنينة شوفي و حسي بالجراح لي ف جوفي عايم والعوام البحر مايشوف لا خوفو والا خوفي و الامواج تغرق وتنجي وخدي تواسيه كفوفي راه فبالي شلى سنين و لي فات و مات ساهي و خيالي راح فين خليت الذكريات ماشي فين وجيت منين ومنين جراحي جات ماهي حكاية را حكايات لي خلات رموشي حنات واش دمايات الجراح السايلة من جناح الطير ماشي كافية و مبقاش من الدم كتير و الشمع ما بقات فيه عافية و الفتيل شنو غيدير و الدنيا غابة يابا شبت وباقي صغير مرة معايا ومرة عليا ضربة ف الزمان و ضربة فيا يا عمري فين ماشي بيا ماتخافوش تغلب النية جواري خالي وما ليا ونيس من غير ظلي يا القمرة طلي راه ما جانيش النوم ليالي مكسور جناحي طاير ومعلي رايح ومخلي كولشي و عكس الامواج نعوم جات ساعة باش العيون تحكي وتتكلم و الشفار ينوب على اليدين ويرفض يسلم ماوفات حروف ولا كلمات و عقول تخمم ندويو بشوفات ونخليو القلب يتألم وبلا ميعاد فهاد المكان حضرت و جيت مانسيت لي بكاني ولي كرهني ولي بغيت خاين يا زهر و فوام تهضر تهدم لي بنيت وياريت يا عمر نقدر نعيش كيف ما تمنيت و ادا جيت ف منامك يالي مغمض العيون باش نضوي بيتك لاكان مظلام و بلا لون مرة معايا ومرة عليا ضربة ف الزمان و ضربة فيا يا عمري فين ماشي بيا ماتخافوش تغلب النية

حس بيا ملي فعيني تشوف بلا ما نشرح كيما موالفة نغيب نبات ما نصبح حافظ طرقاني القدام والروايض فين كتشطح نستاهل إلا بكيت وحتى ملي نفرح وإلا بغيت نوصف جراحي غنرسم بحر مواجه عالية وغنلون ماه بالحمر اللي قراب مني كيعرفوني بعيني كنهضر ملي كنبغي نقول ساكت كنقدر مزروع وفقلبي ورد شوك أولا كتر هذا دليل ماعنديش قلب من حجر وسري سامعو مني البحر ما عمرو غيهضر خصو لسان باش يهضر ولافت طريقي شوك خليهم يجرحوني عليا يايما خلعوك ما قدروش يقتلوني طافي تيليفون وعياطك فالقلب يصوني وبوحدك اللي فهاد الكون ما شفتيش كيف شافوني كتشوفيني صافي ولي داز كافي ولفت حمامة طارت ما ولات لكتافي قلت للريح نتا السباب جاوب نافي كيفاش غنكون كتر من باردة ولا دافية راني محتاجك اليوم، فاين ضايع آفؤادي مخليني مهموم، ما كنشوف النوم، ما قادر نعيش عادي شوف الناس كيف تلوم، بوحدي متهوم واللي باقي كلشي قاضي الريح معاونة الغيوم، تحجب عليا النجوم والليل ساكت وراضي راني محتاجك اليوم، فاين ضايع آفؤادي مخليني مهموم، ما كنشوف النوم، ما قادر نعيش عادي شوف الناس كيف تلوم، بوحدي متهوم واللي باقي كلشي قاضي الريح معاونة الغيوم، تحجب عليا النجوم والليل ساكت وراضي غلطة ساوية الفلوس مكايد حفاري كل فخ فين مدسوس كل قلب شنو فيه مساوس فالريوس عديان كتخطط وكولشي مدروس خروض الشيطان النفوس الطيبة والنية واكلها السوس تمناو أحلامك تولي كابوس مكرفس معذب محتاج ومخصوص بغيت نقول باسيدي القاضي كولشي عندو ماضي وأنا مسمعتوش واخا عليا كينادي قولي شكون يشوف العافية ويقبل يحادي وأنا شحال من حاجة كانت كاتجيني عادي ماشي أي رصاصة كانت ليا قاتلة ماشي أي حرب تستاهل مني المقاتلة كندفى بالنار اللي بغاو تبقى شاعلة نفتح كتاب حياتي ونشوف الورود الدابلة نسمع الهضرة ضايرة فيها الكدوب والصح لي فيا وحتى اللي ماشي فيا دابا كيتمسح تحفاو الحروف فضهري ما بقى لسان كيدبح أنا لي هرست الزاج واخا عرفت غيجرح راهم ما عارفين والو غير سمعو اللغى شنو ذنبي عايش كيف ما ربي بغى خليهم يقولوا ياما وما تبكيش عليك نخسر العالم وما يهمنيش راني محتاجك اليوم، فاين ضايع آفؤادي مخليني مهموم، ما كنشوف النوم، ما قادر نعيش عادي شوف الناس كيف تلوم، بوحدي متهوم واللي باقي كلشي قاضي الريح معاونة الغيوم، تحجب عليا النجوم والليل ساكت وراضي راني محتاجك اليوم، فاين ضايع آفؤادي مخليني مهموم، ما كنشوف النوم، ما قادر نعيش عادي شوف الناس كيف تلوم، بوحدي متهوم واللي باقي كلشي قاضي الريح معاونة الغيوم، تحجب عليا النجوم والليل ساكت وراضي