عالم تعبانة، مخنوق منكم أنا بأمانة
إنتو ليه بتفرحوا ببكانا؟ ده إحنا تعبنا

عالم تعبانة، مخنوق منكم أنا بأمانة
إنتو ليه بتفرحوا ببكانا؟ ده إحنا تعبنا
خلق مريضة، كله سايق ليه العبيطة؟
لسا مطلعش من البيضة، ييجي يندبنا

وده صاحب عمري، جيه غدر بيا من ضهري
أنا بجد أنا جيبت أخري، صحبتنا شمال
وصاحبت صاحب، يقولي عاركة أقوله مراحب
أمسك سلاحي وأطلع ساحب، وبقف سندال

دي صحبة طفش، قلة أصل ومتشرفش
يجروا عليك لو شافوا الفرش، عايزين يضربوا
مش سالك كالح، أنت يا صاحبي بتاع مصالح
وإفتكرت بيك أنا فالح، أيوا إستغربوا

جيه وقت الشدة، مفيش يا ناس جمبي ولا جتة
وأنا اللي بطولي بسند ستة، ومفيش تقدير
ياما هاجمتنا وحوش وأسود إسال عليا
يقولوا مظبوط روحي غايبة، إسمي موجود

ده أنا حبيت واحدة، لكن طلعت قاسية وجاحدة
قلبها أسود زي الفحمة، عايزة تتسلى
وبدادي وأسايس، وهي عليا كتير تتمايص
وقولت بلاش منها وبناقص، إخرجي يلا

وياريت ما لقيتك، بس بجد أنا حبيتك
سهرت كتير أنا تحت بيتك، أنده وأصفر
يا عود أجنبي، إنتي دخلتيلي فـ كوكبي
بس بجد أنا الغبي، فوقت متأخر

حبيبتي خدعتني، فـ بحر الجرح شاطت ورمتني
خدت أبو جنية على طول سابتني، كلبة فلوس
من جرحي بقيت هندي، وكل الجراح بتسهر عندي
راح لفين الحلم الوردي؟ طلع كابوس

أنا قلبي بكيسه، بس الجرح جيه تلبيسه
مجاش مقاس كل اللي يقيسه، قالوا لاق فيا
دنيتنا الغبرة، معيشة ناس دي قلوبها صفرا
تهد ناس شقيانة ومعافرة، جرحها غية

طب كان يا مكان، فين الحب بتاع زمان؟
صعب تسمع حد خان، ناسه وأهله
دنيا دي مبدأها، كل الجدعان كده توجعها
بس أنا بقى لا يمكن أهدى، حقي وهخده

واخد تصريح، إني زعيم كل المجاريح
وإن الدنيا دي مراجيح، تنزل وتعلي
دنيتنا الإيه، المجدع بتحط عليه
وتعلي فـ كلب الجنية، روحي تتشلي

حياة عجيبة، الأحباب خليوا من الطيبة
وشوشهم بقت كئيبة، شطبوا حنية
لأ والمصيبة، أقرب ناس بقيت غريبة
خلوني أسمع أحمد شيبه، حطت عليا

من حال لحال، ماشية الدنيا على الشمال
دايرة تعلي في الأندال، وايه الفايدة؟
والناس مش فاهمة، إن الحياة دي كلها فانية
تبني وتهد وهي ساكتة، ومش دايمة

يا عم إستنى، ده أبو الشوق وزع وغنى
والشاعر كتب كلامنا، إوعاك تنسى
ده مصطفى إتش، معجزة وعمر متتنشينش
رجالة أبو طالب أسود وقرش، المرجي مرسى